Транспарентни податоци за пазарот на станови

Официјалните купопродажби се водат во „Регистарот на цени и закупнини“ при Катастарот, но се закопани во квартални PDF-ови без употреблив текстуален слој - ниту може да се пребараат, ниту да се копираат. Огласните сајтови, пак, прикажуваат барани цени, не склучени договори. Овој проект ги вади бројките од тие PDF-ови, ги поврзува со долгорочниот индекс на НБРМ/BIS и ги прикажува читливо на двата јазика, со точна референца до страницата од која е земена секоја вредност.

• Агенција за катастар на недвижности

  Регистар на цени и закупнини · квартални и годишни извештаи
• Народна банка на Македонија

  Квартален индекс на цени на станови за градот Скопје, составен од огласени станови за продажба
• Bank for International Settlements

  Меѓународна база на индекси на цени на недвижности
• FRED · St. Louis Fed

  Бесплатна API за BIS сериите (QMKN628BIS, QMKN368BIS, QMKR628BIS)
• Државен завод за статистика

  Просечни плати, дозволи за градба, завршени станови

Сите вредности се извлечени директно од овие извори; ништо не е симнато од огласници.

Вреди да се каже јасно, бидејќи разликата е важна. Цените по општина, бројот на купопродажби и вредноста на прометот доаѓаат од Регистарот на цени и закупнини - тоа се склучени договори. Индексот на цени на становите (графиконите 1, 2 и 4) го изготвува НБРМ, но според сопствената фуснота тој се базира на огласени станови за продажба на територија на градот Скопје. Значи: официјална статистика на централната банка, но составена од барани цени, не од договори. Затоа индексот го користиме за движењето низ времето, а нивоата во евра секогаш доаѓаат од Катастарот.

• BIS / НБРМ индекс

  Неделно (cron, GitHub Actions)
  Скриптата проверува за нови квартални вредности; ако има промена, се отвора pull request. BIS објавува со задоцнување од еден до два квартали.
• Катастар (квартал)

  Квартално, рачно
  Единствениот извор што останува рачен. PDF-овите немаат употреблив текстуален слој, па табелите се читаат од рендерирани страници. Се ажурира околу 4-6 недели по затворање на кварталот.
• ДЗС (плати)

  Месечно, автоматски
  Просечна нето-плата од МАКСтат табела 175, преку PXWeb API. Се користи на страницата Пристапност за споредба со движењето на цените.
• НБРМ (камата)

  Месечно, автоматски
  Пондерирана камата на новоодобрени станбени кредити во денари со валутна клаузула - доминантниот тип хипотека кај нас. Се користи во калкулаторот за 30-годишен кредит.
• Регионална споредба

  Неделно, автоматски
  Индекси на BIS за Србија, Бугарија, Хрватска, Грција, Романија и Словенија, преку истиот извор како скопскиот индекс.

• Next.js 16 + React 19
• Tailwind CSS 4 + Base UI (coss)
• Recharts (графикони)
• next-intl (двојазичност)
• TypeScript
• Vercel (хостинг)

Секоја вредност на овој сајт има јасен извор: референца до точната страница од PDF-от или до сериите на FRED/НБРМ од каде е извлечена.

Ако забележите неточност во некој број, имате идеја за нов график или сакате друг извор да се додаде, контактирајте директно преку LinkedIn.